Käschtepunkt vun der Affär Lunghi

Den 3te Juni ass,no ronn 10 Joer (!), dat endgültegt Geriichtsuerteel an der Affär Lunghi geschwat ginn. An dësem Uerteel sinn déi fréier RTL-Journalisten souwéi den deemolegen RTL-Direkter komplett fräigesprach ginn. Dësen aussergewéinlech laange Geriichtsprozess vu ronn 10 Joer war virun allem fir déi elo fräigeschwate Persounen eng schwiereg Situatioun, déi vill Energie a Liewensjoren kascht huet. An der Äntwert op meng parlamentaresch Fro n°3129 huet de Minister mir folgend Informatiounen zu dësem Dossier geliwwert: „Allgemeng ass et esou, dass e perséinleche Feeler vun engem Agent dozou féiert, dass de Staat vu senger Protektiounspflicht entbonnen ass. An deem Fall mussen d’Affekotekäschten zeréckbezuelt ginn.“ Am Rapport d’Activité, op deen de Minister a senger Äntwert verweist, steht: „En 2024, 28 demandes d’assistance juridique ont été introduites (article 32(4) de la loi modifiée du 16 avril 1979). Une somme totale de 144 466,36 € a été payée dans ce contexte, notamment pour couvrir des frais d’avocat.“

An deem Zesummenhang hu mir der Regierung dës Fro gestallt:

1. Bewäert de Ministère d’Geriichtsuerteel als Néierlag? • Falls jo, wäert de Staat d’Affekotskäschten erëmfroen? • Falls nee, wéi héich sinn déi vum Staat gedroe Käschten am Zesummenhang mat den Affekote vum Ex-Generaldirekter?

Verlaf an der Chamber

QP Nummer 4533