Feelen Medikamenter an den Apdikten?

Zu Lëtzebuerg koum et an der Vergaangenheet schonn zu Enkpäss bei der Liwwerung vu verschiddene Medikamenter. Aktuell soll dëse Problem sech widderhuelen. D’Ruptures de stock kënnen dozou féieren, dass Dokteren hire Patienten Alternative musse verschreiwen. Alternativen, déi se de Patiente jo an enger éischter Phase net wollten als Behandlungsmethod virschloen.  An der Äntwert op d’parlamentaresch Fro n°1874 vum Februar 2020, déi sech och mat deem Sujet beschäftegt huet, sot d’Ministesch: “”Les titulaires d’autorisations de mise sur le marché et les fabricants sont tenus par la législation de l’UE d’informer les autorités compétentes des Etats membres bien à l’avance en cas de rupture d’approvisionnement entraînant une pénurie ou une cessation du marché. Par ailleurs, une analyse d’impact de l’épidémie de 2019-nCoV sur les chaînes d’approvisionnement pharmaceutique dans l’UE, et notamment sur les médicaments essentiels est actuellement en cours auprès de l’EMA (agence européenne des médicaments) et du réseau des autorités compétentes HMA (Heads of Medicines Agencies) dont le Luxembourg fait partie.””

An deem Zesummenhang hu mir der Regierung dës Froe gestallt:

  1. Sinn dem Gesondheetsministère Fäll vu Ruptures de stock an den Apdikte bekannt? Falls jo ëm wéi vill Zorte vu Medikamenter handelt et sech momentan?

  2. Gouf de Ministère iwwert eventuell Liwwerenkpäss vun den Hiersteller informéiert?

  3. Ass déi uewe genannten Etüd vun der EMA schonn ofgeschloss? Falls jo, wat sinn d’Resultater vun dëser Recherche?

  4. Bei wéi ville Medikamenter koum et an deene leschte 6 Méint zu Ruptures de stock?

Verlaf an der Chamber

QP Nummer 4045

Käschte vun de Schnelltester

An engem Artikel op 100komma7.lu gouf an engem Interview vun engem Beamten aus dem Gesondheetsministère erkläert, dass Lëtzebuerg weider 5 Millioune Covid-Schnelltester zum bestoende Stock vun aktuell 2 Millioune bäikafe wäert. Wéi d’Medieplattform schreift, goufen et awer keng Prezisiounen zum Akafspräis. Zitat: “”De Präis vun den Tester géif tëschent 2 an 12 Euro variéieren. Wéi vill Lëtzebuerg fir seng Milliounen Tester bezuelt huet, wollt den Expert net soen. Et hätt ee sech op d’Präisleeschtungsverhältnis an op verschidde Krittäre vun der WHO baséiert, seet den [Beamten].””

An deem Zesummenhang hu mir der Regierung dës Froe gestallt:

  1. Wéi vill huet de Staat insgesamt fir déi 5 Milliounen Tester ausginn? Wat ass den Duerchschnëttspräis vun engem Test? Wat ass de Median?

  2. Wéi vill huet de Staat fir dee bestoende Stock vun 2 Millioune Schnelltester ausginn? Wat ass hei den Duerchschnëttspräis vun engem Test? Wat ass de Median?

  3. Bei wéi enge Firmen goufen d’Schnelltester bis elo bestallt?

Verlaf an der Chamber

QP Nummer 4040

Distributioun vu Kaliumiodidtabletten 2014 – Wéini mussen dës Pëllen ersat ginn?

Am Oktober 2014 gouf eng éischt Distributions-Campagne vu Kaliumiodidtablette gestart. Laut Äntwert op d’parlamentaresch Fro n°2618 huet de Lëtzebuerger Staat deemools 2,5 Millioune Pëlle kaaft gehat. Ronn 182’000 Leit waren sech deemools Tabletten op hier Gemeng oder an hier Apdikt sichen. Um Site InfoCrise vum Staatsministère kann ee liesen:  “”Die Einnahme von Kaliumiodidtabletten ab 6 Stunden vor dem etwaigen Einatmen von radioaktivem Jod, also 6 Stunden vor dem Vorbeiziehen der radioaktiven Wolke, bietet der Schilddrüse hundertprozentigen Schutz.””

An deem Zesummenhang hu mir der Regierung dës Froe gestallt:

  1. Wat war den Verfallsdatum vun den 2014 verdeelten Kaliumiodidtabletten? Gedenkt d’Regierung déi ofgelafen Tabletten ze ersetzen an, gegebenfalls, eng néi Distributions-Campagne ze starten?

  2.  2014 kruten och 150 Entreprisë Kaliumiodidtablette verdeelt. An der Äntwert op déi deemoleg Fro heescht et: “”La commande de comprimés d’Iode par les entreprises est toujours possible et la Division de la radioprotection du ministère de la Santé continue à recevoir régulièrement de telles demandes par les entreprises.”” Wéi vill Ufroe sinn an deene leschten 2 Joer bei der Division de la radioprotection gemaach ginn?

  3. Och an de Schoulen, Maisons Relaisen a Crèchë goufen deemools Stocke vu Kaliumiodidtabletten opgestallt. Goufen eventuell ofgelafen Tabletten aus dëse Stocke schonn eraus geholl an ersat?

Verlaf an der Chamber

QP Nummer 4031

Zwangsbestietnisser

Ëmmer nach kënnt et vir, dass jonk Meedercher oder Jongen an anere Länner géint hire Wëlle bestuet ginn. Ee Bäitrag op der Website vun Amnesty International beschreift dëse Phänomen esou: “Obwohl Zwangsverheiratung durchaus auch Männer betreffen kann, sind es doch weit überwiegend Mädchen und Frauen, die darunter zu leiden haben. Denn zwangsverheiratet wird gerade in jenen Ländern, in denenFrauen im Bezug auf Bildung und Durchsetzung ihrer Rechte schwer benachteiligt sind. Wenn Frauen sich weigern, die für sie bestimmte Heirat einzugehen, sind sie Repressionen durch eigene Familienmitglieder ausgesetzt, die von Beschimpfungen und Drohungen über Prügel bis hin zum Ehrenmord reichen. Zudem bringt eine erzwungene Ehe die ständige Furcht vor sexueller Gewalt und ungewollten Schwangerschaften mit sich.[…] Zwangsvereiratet wird in weiten Teilen der Welt praktiziert. Trotz nationaler und internationaler Verbote sind weltweit Millionen von Mädchen betroffen. Die Vereinten Nationen bezeichnen die Zwangsheirat als eine „moderne Form der Sklaverei“. Genaue Statistiken liegen hierzu jedoch nicht vor. […] Nach internationalem Recht sind Zwangsheiraten verboten, die freie Wahl der EhepartnerIn ist ein Menschenrecht. In Artikel 16, Abs. 2 der Allgemeinen Erklärung der Menschenrechte von 1948 heißt es: „Eine Ehe darf nur im freien und vollen Einverständnis der künftigen Ehegatten geschlossen werden.“  (Source: https://amnesty-frauen.de/themen/zwangsheirat/)” Déi wichtegst Konditioun ass deemno fräit Averständnis vu béide Partner. Oft ass et awer sou, dass d’Averständnis net fräi ass, mee d’Affer sech wéinst der Traditioun, der Relioun oder de Finanzen net wiere kann oder wëll: ze grouss ass den Drock vu Familjlememberen, déi d’Affer direkt an indirekt zum Averständnis zwéngen. Et ass wichteg z’ënnersträichen, dass et zu Lëtzebuerg aktuell nach net genuch Méiglechkeete ginn, fir Mënsche virun Zwangs– a Kannerbestietnisser ze schützen. Soubal eng Hochzäit d’Traditiounen, d’Sitten an d’Rechtslag an engem anere Land respektéiert, hënnert duerno näischt d’Koppel, hier d’Bestietnis hei um Etat Civil androen ze loossen.  Wéi mer zougedroe gouf, ass et bei Kannerbestietnisser eng gängeg Praxis, dass Flüchtlingsfamillen hei am Land esou verfueren, dass se soen, si géife mam Mineur am Concubinage liewen a soubal d’Kand erwuesse gëtt, et da bestueden. De Risiko ass also konkret fir Kanner, déi zu Lëtzebuerg opwuessen, an een Zwangsbestietnis verwéckelt ze sinn oder et ze ginn.

An deem Zesummenhang hu mir der Regierung dës Froe gestallt:

  1. Gëtt et zu Lëtzebuerg iergendee Kontrollmechanismus, fir ze verhënneren, dass Zwangs- oder Kannerbestietnisser hei unerkannt ginn?

  2. Ass et scho virkomm oder ass et theoretesch méiglech, dass eng Koppel, déi sech am Ausland am Joer N bestuet hunn, woubäi eng Persoun mannerjäreg war, am Joer N+X d’Volljäregkeet erreecht, an dës Hochzäit hei zu Lëtzebuerg unerkannt gëtt?

  3. Wéi eng Méiglechkeeten existéiere fir Persounen, déi sech no jorelaangem Waarden entscheeden, hiert Zwangsbestietnis ze denoncéieren? Wéi vill Fäll vun Zwangsbestietnisser goufen an deene leschte Joren denoncéiert? Wéi eng staatlech Ënnerstëtzung kréien d’Affer hei am Land, speziell wat d’Wunnen an d’Schafe vun Zukunftsperspektiven (Bildung an Aarbecht) betrëfft ?

  4. Wéi kläert den Educatiounsministère generell d’Kanner an d’Elteren iwwert d’Risike vun der Zwangsheirat op? Wéi eng Ulafstellen a wéi eng Hëllefen existéieren hei am Land fir d’Leit opzeklären, besonnesch fir Flüchtlingen?

  5. Huet den Educatiounsminister Kenntnis vu Fäll, an deene Meedercher hire Schoulparcours ofgebrach hunn, well si sech entscheet hunn, sech fréizäiteg wëllen ze bestueden a mat hirem Mann zesummen ze liewen?

Verlaf an der Chamber

QP Nummer 3987

Verbuet vun Hausdéieren a Wunnengen – eng traureg Realitéit

A menger parlamentarescher Fro n°3813 wollt ech op d’Situatioun vun Déierenhaler um soziale Wunnmarché opmierksam maachen, wou d’Lag oft esou ass, dass Locataire vu Sozialwunnenge kënne verbuede kréien, een Hausdéier an dëser Wunneng ze halen.  Esou wéi verschidde Leit mir et zougedroen hunn, geschitt dëst awer och um private Wunnmarché. Bei enger Locatioun zum Beispill, kann de Proprietär d’Hale vun engem Hausdéier a senger Wunneng am Mietkontrakt explizitt verbidden. Wann ee Proprietär vu senger eegener Wunneng ass, ass d’Saach méi einfach, virausgesat, et wunnt een net an enger Residence, déi eng Copropriétéit vu verschiddene Leit ass, well och hei kann d’Assemblée vun dëser Residence d’Hale vun Hausdéieren an de Gemeinschaftsraim (parties communes) verbidden. Dëst Verbuet beschränkt sech allerdéngs op d’Gemeinschaftsraim. Am Privatraum vum Proprietär kann de Proprietär u sech een Hausdéier halen, virausgesat, dass d’Déier kee Kaméidi oder Knascht mécht an déi aner Bewunner stéiert. Festzestellen ass, dass d’Situatioun fir vill Déierenhaler hei am Land net ëmmer kloer ass an a ville Situatiounen oft zum Nodeel vum Hausdéier entscheet gëtt. A verschiddene Fäll ass et souguer virkomm, dass Persoune mat Assistenzhënn virun de Choix komm sinn, hiren Hond, op Drock vun der Assemblée des Propriétaires, mussen ewechzeginn oder aus der Residence ze plënneren. Grad an Zäite vu Wunnengsnout dierft et net sinn, dass Persounen an hier Hausdéiere wéinst Diskriminéierung a Stereotyppe vis-à-vis vun den Déiere keng Wunneng hei am Land kréien.

An deem Zesummenhang hu mir der Regierung dës Froe gestallt:

  1. Huet d’Regierung Kenntnis dovunner, dass Déierenhaler um Wunnengsmarché diskriminéiert ginn? 

  2. Wäert d’Regierung eppes ënnerhuelen, dass Leit mat Hausdéieren um Wunnmarché besser geschützt ginn, zum Beispill, andeems d’Vertragsklausel mam Déiereverbuet an Zukunft ongeltend gemaach ginn? Wéi eng Pisten wäert d’Regierung hei aschloen?

Verlaf an der Chamber

QP Nummer 3927

Verspéidungen beim Ausbezuele vun der Vëlosprimm

Lescht Joer hat d’Regierung d’Moossnam geholl, de Kaf vu Vëloen a Pedelec 25 (Vëloe mat enger elektrescher Ënnerstëtzung bis 25 km/h), iwwert de Klimafong mat enger Primm vu bis zu 600€ z’ënnerstëtzen. A menger parlamentarescher n°2354 hat ech d’Ministeren ëm Informatiounen zu der gehéichter Vëlosprimm befrot, déi elo zënter bal engem Joer leeft.

An deem Zesummenhang hu mir der Regierung dës Froe gestallt:

  1. Opgelëscht pro Mount, wéi vill Demandë fir d’Vëlosprimm goufe bis haut, onofhängeg vun der Héicht vun der Primm, agereecht?

  2. Wéi huet sech, zënter der Erhéijung vun der Vëlosprimm vun 300€ op 600€, d’Unzuel un Demanden entwéckelt? Ass eng positiv Korrelatioun tëscht der Erhéijung an der Unzuel un Demande fest ze stellen?

  3. An der Äntwert op d’parlamentaresch Fro n°2527 vum Deputéierte Mars Di Bartolomeo hat d’Ministesch geschriwwen: “”Au 15 juillet 2020, le nombre de primes accordées s’élève à 3 652 pour les vélos (montant moyen de la prime : 217 euros) et à 3 553 primes pour les cycles à pédalage assisté (montant moyen de la prime : 293 euros). Le montant total des primes ainsi accordées s’élève à 1 835 000 euros.”” 1. Wéi vill Demande fir d’Vëlosprimm goufen bis haut ugeholl a wéi vill goufen ofgeleent? 2. Wéi vill Euro un Primme goufe bis ewell am Kader vun der Vëlosprimm ausbezuelt?  3. Wat ass den Duerschnëttsmontant vun der Primm a wat ass de Medianwäert?

  4. Op d’Fro wéi laang den Traitement vun den Demanden dauert, hat d’Ministesch geäntwert, dass et 10 Wochen dauert, bis d’Primm ausbezuelt gouf. Mir gouf an engem Fall zougedroen, dass d’Demande am Mee 2020 agereecht gouf an d’Primm bis haut nach net ausbezuelt gouf. 1. Wéi vill Deeg dauert et vun der Demande beim Ministère bis zum Ausbezuele vun der Primm am Duerchschnëtt?  2. Wat ass de Medianwäert vum Delai?  3. Wat war bis elo de kierzesten Delai a wat war bis elo dee längsten Delai de Traitement, bis eng Persoun d’Suen iwwerwise krut?

Verlaf an der Chamber

QP Nummer 3910

Wéi vill bréngen d’Gemengenagenten dem Staat an de Gemengen all Joer an?

A menger parlamentaresche Fro n°614 hat ech mech bei den zoustännege Ministeren informéiert wéi vill Avertissements taxés zu Lëtzebuerg ausgestallt ginn. Aus der Äntwert goung ervir, dass d’Agents municipaux an d’Radaren dem Lëtzebuerger Staat 2019, ronn 2,7 Milliounen un Recetten abruecht hunn.

An deem Zesummenhang hu mir der Regierung dës Froe gestallt:

  1. Wéi vill Avertissements taxés sinn 2020 dresséiert ginn? Wéi vill dovunner si bezuelt ginn a wéi vill sinn net bezuelt ginn? 

  2. Wéi vill Avertissements taxés si vun 2013 bis 2019 nëmme vun de Gemengenagenten ausgestallt ginn (opgelëscht no Gemeng an no Joer)?

  3. Wéi héich war den Undeel vu Recetten, dee bei vun de Gemengenagenten erstallten Avertissementer, un d’Gemenge verdeelt ginn ass (opgeschlësselt no Gemeng an no Joer)?

  4. Wéi huet sech d’Gesamtzuel vu Agents municipaux an deene leschten 20 Joer (2000-2020) an de verschiddene Gemengen entwéckelt (opgelëscht no Gemeng an no Joer)?

Verlaf an der Chamber

QP Nummer 3906

D’Schluechtung vun Déieren aus Biohaltung

Laut Zuele vum Landwirtschaftsministère, goufen zu Lëtzebuerg am Dezember 2020 ronn 20.500 Déiere geschluecht. Haaptsächlech handelt et sech bei den Déieren ëm Kéi a Schwäin.  Am Joer 2019 waren 82 Landwirtschaftlech Betriber als Bio-Betriber bei der Asta ugemellt.

An deem Zesummenhang hu mir der Regierung dës Froe gestallt:

  1. Ginn a puncto Schluechtung Ënnerscheeder tëscht de Bio-Déieren an den Déieren aus der konventioneller Landwirtschaft gemaach zu Lëtzebuerg? Falls jo, wéi gëtt am Schluechthaus sécher gestallt, dass d’Bio-Déieren net mat den Déieren aus konventioneller Haltung vermëscht ginn?

  2. Muss de Bio-Bauer seng Déieren an d’Schluechthaus féieren oder huet en d’Méiglechkeet op Alternativen zréck ze gräifen, déi mat manner Stress fir d’Déier verbonne sinn? Zum Beispill eng mobil Schluecht-Statioun, wou d’Déieren net mussen an een Transporter, fir bis bei d’Schluechthaus gefouert ze ginn?

  3. Duerch d’Schluechten am Betrib, kann den Déiere vill Stress erspuert ginn. An Däitschland ass dofir d’sougenannten “Weideschlachtung” bei Déieren, déi hiert d’ganzt Liewen op enger Wiss verbruecht hunn, méiglech.  Ginn et zu Lëtzebuerg Méiglechkeeten, fir Déieren am Betrib ze schluechten, déi net ënner de Fall vun enger Noutschluechtung falen? • Falls jo, wéi vill Betriber dierfen op esou eng Schluechtungs-Method zréck gräifen? • Falls nee, firwat net?

Verlaf an der Chamber

QP Nummer 3893

Diskriminatioun vun Homosexuellen vun der kathoulescher Kierch

An hirer Responsum ad dubium huet d’kathoulesch Kierch d’Seene vu Verbindungen tëscht Persoune vum selwechte Geschlecht ënnersot. Konkret heescht et vum Vatikan:  “”Aus  diesem  Grund  ist  es  nicht  erlaubt,  Beziehungen  oder  selbst  stabilen Partnerschaften einen Segen zu erteilen, die eine sexuelle Praxis außerhalb der Ehe (das heißt außerhalb einer unauflöslichen Verbindung eines Mannes und einer Frau,  die  an  sich  für  die  Lebensweitergabe  offen  ist)  einschließen,  wie  dies  bei Verbindungen von Personen gleichen Geschlechts der Fall ist. Das Vorhandensein positiver  Elemente  –  die  in  sich  betrachtet  dennoch  zu  schätzen  und hervorzuheben sind – in solchen Beziehungen ist trotzdem nicht in der Lage, diese zu  rechtfertigen  und  sie  daher  rechtmäßig  zum  Gegenstand  einer  kirchlichen Segnung zu machen, weil diese Elemente im Dienst einer Verbindung stehen, die nicht auf den Plan des Schöpfers hingeordnet ist.””

An deem Zesummenhang hu mir der Regierung dës Froe gestallt:

  1. Huet de Minister Kenntnis vun dëser Annonce? Falls jo, wéi positionéiert hien sech par Rapport zu den Aussoen am Responsum ad dubidum ?

  2. Am Artikel 19 vun der Verfassung heescht et:  “”La liberté des cultes, celle de leur exercic public, ainsi que la liberté de manifester ses opinions religieuses, sont garanties, sauf la répression des délitgs commis à l’occasion de l’usage de ces libertés.”” Dëst Recht ass awer net absolut, esou huet d’Cour Constitutionnelle zum Beispill am Kader vun der Schoulflicht decidéiert, dass “”l’étendue de la liberté des cultes ne saurait être telle que son exercice provoque des difficultés susceptibles de perturber […] le système éducatif”” Gesinn d’Ministeren d’Liberté des cultes als absolut Recht un oder huet dëst Recht net och Limitten, wann et ëm wichteg Piliere vun eiser Gesellschaft geet, wéi d’Schoulflicht, awer och wéi d’Chancëgläichheet, déi ënnert anerem am Artikel 455 vum Code pénal festgehaale gëtt?

Verlaf an der Chamber

QP Nummer 3867

Geschwindegkeetsbegrenzung op der Péitenger Collectrice

Esou wéi den Ëmweltministère et gefuerdert hat, hunn 9 Südgemenge viru kuerzem een Aktiounsplang géint Kaméidi ausgeschafft an dësen a verschiddee Gemengerotssëtzunge schonns thematiséiert an diskutéiert. Esou wéi a villen anere Gemengen, gouf och zu Péiteng de Stroossen – a Schinneverkéier als Haaptquell vum Kaméidi identifizéiert. Zu Péiteng ass et notamment de Kaméidi duerch de Verkéier op der Collectrice (Avenue de l’Europe), dee vill Biergerinnen a Bierger belaascht. Fir de Kaméidi op der Streck ze reduzéieren, kënne verschidde Moossname getraff ginn. Engersäits kéint ee beim Rond-Point LTMA de Flux vun Autoe besser maachen, andeems een esou wéi beim Centre Wax eng Ënnerféierung ënnert dem Rond-Point géif gruewen. Anerersäits kënne Geschwindegkeetsbegrenzungen an och Schallschutzmaueren hiren Deel dozou bäidroen, dass de Kaméidi net iwwert dat ganzt Kordall ze héieren ass.

An deem Zesummenhang hu mir der Regierung dës Froe gestallt:

  1. Wéi vill Gefierer fueren an de Spëtzenzäiten um Segment vun der Péitenger Collectrice?

  2. Wéi eng Moossname wäerten d’Ministeren ënnerhuelen, fir de Kaméidi, dee vun der Collectrice ausgeet, ze reduzéieren?

  3. Wéi bewäerten d’Ministeren d’Optioun, eng Schallschutzmauer op der Collectrice ze bauen?

  4. Wéi bewäert de Minister d’Optioun, eng weider Ënnerféierung ënnert dem Rond-Point beim LTMA ze bauen?

  5. Wéi bewäert de Minister d’Optioun, eng méi niddreg Geschwindegkeetsbegrenzung um Segment tëschent der Biff an dem Dräilännereck anzeféieren?

Verlaf an der Chamber

QP Nummer 21000