Réckzuch vun Däitschland aus dem Projet Mistral

Laut engem Artikel op welt.de vum 9ten Oktober wäert Däitschland sech aus enger geplangter KI-Partnerschaft mat Mistral AI zeréckzéien. Dës Partnerschaft sollt ursprénglech dozou bäidroen, déi europäesch digital Souveränitéit ze stäerken an d’Ofhängegkeet vun net-europäeschen Tech-Acteuren ze reduzéieren. Zu Lëtzebuerg huet d’Regierung am Juni 2025 eng strategesch Partnerschaft mat Mistral AI ënnerschriwwen. 

An deem Zesummenhang hu mir der Regierung dës Froe gestallt:

1. Huet d’Entscheedung vun der däitscher Regierung een Impakt op de Projet tëschent Lëtzebuerg a Mistral?

2. Wéi eng Projeten, Tools oder Plattformen sinn zënter dem Start vum Projet mat Mistral AI zu Lëtzebuerg entstanen a ginn hei genotzt?  Kann d’Regierung dës no Projet, zoustänneger Administratioun, Notzungszweck a Präis oplëschten?

3. Ass d’Regierung dovunner iwwerzeegt, dass Mistral mat der KI-Konkurrenz aus dem Ausland mathale kann a wettbewerbsfäeg bleift?

Verlaf an der Chamber

QP Nummer 4910