Parlamentaresch Froen
Ausfall vu Starlink an der Ukrain
D’Plattform kyivindependent.com beriicht, dass d’Satelliteverbindung vu Starlink un der Frontlinn an der Ukrain zesummegebrach ass. Doduerch sinn d’Kommunikatiounsverbindungen, déi zum groussen Deel vu Starlink ofhängeg sinn, ausgefall. Et handelt sech schonn ëm den zweete gréisseren Ausfall vu Starlink. Lëtzebuerg huet leschte Joren seng eege Satellitekommunikatiounsinfrastruktur opgebaut a stellt dës och der Ukrain bei der Verdeedegung géint déi russesch Invasioun zur Verfügung.
An deem Zesummenhang hu mir der Regierung dës Fro gestallt:
Sinn d’Satellitekapassitéite vu Lëtzebuerg disponibel, fir d’Ukrain z’ënnerstëtzen an déi feelend Kapassitéiten z’ersetzen? Falls nee, wéi eng aner Kapassitéiten wäert Lëtzebuerg iwwert d’SES der Ukrain elo schnell an direkt kënnen zur Verfügung stellen an a wéi engem Zäitintervall wäert dëst geschéien?
QP Nummer 2863
