Mobilitéit
Wéi eng Luetstatiounen sinn eligibel fir Subventiounen
Eng Persoun krut eng Subventioun fir eng privat Luetstatioun net accordéiert, well déi vun där Persoun ausgewielte Luetstatioun net de Krittäre vum groussherzogleche Reglement vum 19ten August 2020 iwwert d’staatlech Bäihëllefe fir d’Installatioun vu private Luetstatioune fir elektresch Autoen entsprécht. Den Investissement ass awer gemaach an d’Luetstatioun kann net méi zeréckgi ginn. Et kann duerchaus virkommen, dass d’Bierger net wëssen, ob hier Luetstatioun fir d’Subventioun eligibel ass.
An deem Zesummenhang hu mir der Regierung dës Froe gestallt:
-
Wéi vill Demandë fir eng staatlech Bäihëllef am Sënn vum uewe genannte groussherzogleche Reglement goufen zënter der Aféierung ugefrot? Wéi vill dovunner goufe refuséiert an aus wéi enge Grënn?
-
Kann d’Regierung eng Lëscht mat den um Marché erhältleche Modeller u Luedstatiounen verëffentlechen, déi aktuell fir d’Subventioun eligibel sinn?
QP Nummer 6818
