Aktuell Situatioun an den Alters–a Fleegeheemer

Mir goufe vun e puer Persoune kontaktéiert, deenen hier Familljememberen an enger Fleegestruktur hei am Land ënnerbruecht sinn. Dës Leit hu mir zougedroen, dass hier Mammen, Pappen – respektiv hier Groussmammen a Grousspappen – konkret Symptomer vu COVID-19 gewisen hunn, mee, dass vu Säite vun de Fleegestrukture keng Demarchen ënnerholl gi sinn, fir déi betraffe Läit an ee Spidol ze schécken. 

Weiterlesen

Covoiturage zu Lëtzebuerg – firwat gëtt net op erfollegräich Léisunge gesat?

A menger parlamentarescher Fro n°138 hat ech d’Regierung ëm Informatiounen zu der Copilote-App gefrot. D’App war entwéckelt ginn, fir de Covoiturage zu Lëtzebuerg ze fërderen. Allerdéngs war d’App keen Erfolleg. Trotz Publicitéitscampagnen am Wäert vun 179.949€ (Stand Januar 2019) huet d’App net den Uklang bei de Notzer vum Covoiturage fonnt a gouf an eng aner App mam Numm Klaxit agegliddert. An anere Länner existéieren awer schonns zënter Jore ganz erfollegräich Covoiturage-Appen, als bekannteste Beispill sinn nëmmen UBER, LYFT oder BLABLACAR ze nennen.

Weiterliesen

Froen zur Adapto-App

Nodeems d’Gratuitéit fir den Transportservice Adapto op Drock vun e puer Deputéierten souwéi  am Kader vun enger Petitioun agefouert gouf, gëtt elo de ganze Service vum Adapto ëmstrukturéiert. An dem Kontext gouf een neie Reservatiounssystem op d’Been gestallt an och eng nei Adapto-App gouf erstallt, mat där d’Passagéier hir Trajete reservéiere kënnen. D’App selwer gouf vun enger Privatfirma entwéckelt. 

Weiderliesen

Wéi sécher ass d’Kommunikatioun vu Regierungsmemberen?

Ëmmer erëm kënnt et vir, dass héij politesch Vertrieder oder Privatpersounen hieren Telefon gehackt kréien. Dat weist, dass souguer Persounen op héije Poste kënnen ausspionéiert ginn, wann hir Kommunikatioun net verschlësselt ass. D’Donnéeën, déi den Datendéif an dem Fall klaut, kënnen, wann se an déi falsch Hänn geroden, ee grousse Schued uriichten. Virun allem ëffentlech Mandatsdréier, wéi Ministeren, sinn engem héije Risiko ausgesat, ausspionéiert ze ginn. Aus deene Grënn ass et wichteg, dass Volleksvertrieder op héije Posten hir Kommunikatioun verschlësselen, zum Beispill duerch Cryptohandyen.

Weiderliesen

Déiereschutz an de Schluechthaiser – wéi gutt gëtt kontrolléiert?

Op de soziale Medien zirkuléiert ee Video, an dem d’Schluechtprozedur an engem Schluechthaus zu Lëtzebuerg opgehol gouf. D’Szeen gouf verstoppt gedréint a weist de Raum, wou d’Déieren zerluecht ginn.  Am Video ass kloer ze gesinn, wéi eng Kouh ouni Betäubung dout gemaach ginn ass. De Video weist wéi d’Déier, wat nach gelieft huet an nach zuckt, bei vollem Bewosstsinn den Hals opgeschnidde kritt.

Weiderliesen

Indemnitéite fir d’Fräiwëlleger vum CGDIS – Nofro

A menger parlamentarescher Fro n°971 hat ech d’Inneministesch iwwert d’verspéit Nobezuelunge beim CGDIS befrot. An hirer Äntwert schreift d’Ministesch :

Fir déi Asätz, déi tëschent dem 1. Juli 2018 an dem 1. Juli 2019 gefuer gi sinn, huet de Verwaltungsrot vum CGDIS, den 27. Juni 2019, no der Analyse vun den disponibelen Donnéeën, der Direktioun den Optrag ginn, fir de Solde vum Budget “prorata” op d’Unzuel vun Asatz pro Member opzedeelen an auszebezuelen. […] Uganks August krut d’Firma, déi fir de Programm fir d’Gestioun vun den Interventionen (LuxDoc) zoustänneg ass, den Optrag fir all d’Donnéeën déi néideg si fir d’Ausbezuele vun den Asatz aus dem LuxDoc ze zéien. No engem Contrôle vun den Zuelen, kënnen d’Indemnitéiten iwwerwise ginn, woubai och all déi Memberen eppes kréien, déi net u feste Garden oder Permanencen deelgeholl hunn, mee bei enger “Alerte générale” op den Asaz waren.

An deem Zesummenhang hu mir der Inneministesch dës Froe gestallt:

  1. Sinn, Stand haut, all deemools ausstoend Indemnitéiten ausbezuelt ginn? Falls net, wéi vill Suen, opgeschlësselt no Typ vun Indemnitéit si bis haut net un d’Pompjeeën ausbezuelt ginn an aus wéi engem Grond net?
  2. Wéi vill Euro/Stonn hunn d’Benevole beim CGDIS zegutt, 
    • déi Bereetschaftsdéngscht (Status 2) maachen?
    • déi Kasärendéngscht maachen?
  3. Existéieren, nieft deem vun der Ministesch ugeschwaten interne Reglement, aner Dokumenter, an deenen d’Fräiwelleger vum CGDIS noliese kënnen, wat si als Indemnisatiounen zegutt hunn? Falls net, wär et fir d’Fërdere vun enger gudder interner Kommunikatioun tëschent der Direktioun an de Fräiwellege beim CGDIS net opportun, esou een Informatiounsblat opzestellen?

Eng Fro iwwert de Verkéier am Norde vum Land

All Daach fuere ronn 20 000 Autoen duerch d’Uertschaften Hengescht, Housen, Houschterdéckt. D’ganz N7 soll duerch Reamenagementer (Echangeuren, Leitplanken, etc.) an noer Zukunft geséchert ginn. De Contournement Housen ass an deem Kontext ee wichtegt Puzzelstéck. Allerdéngs wäerte vill Kilometer vun der N7 och weiderhin duerch kleng Uertschafte féieren an d’Liewensqualitéit vun de Leit weider belaaschten. Dierfer wéi d’Houschterdéckt wäerten och weiderhi staark iwwerlaascht bleiwen, notamment duerch den Transitverkéier.

Keng Plaz am Zuch fir Passagéier zweeter Klass?

An der Äntwert op d’parlamentaresch Fro n°1710 vum honorabelen Deputéierte M. Schank confirméiert de Minister d’Iwwerlaaschtung vu verschiddenen Zich. De Minister schreift, dass duerch d’Bäikafe vun neie Waggonen d’CFL an de nächste Joren d’Passagéierkapazitéite fir d’éischt an déi zweet Klass erhéije wäert.

Am Uschloss op dës Fro wéilt ech dem Minister folgend Froe stellen:

  1. Wéi vill Sëtzplazen existéieren aktuell an allen Zich vun der CFL? Wéi vill dovunner entfalen op d’zweet Klass? Wéi vill dovunner entfalen op déi éischt Klass?
  2. Wat ass d’Gesamtkapazitéit vun allen Zich (Sëtz– a Stéiplazen) vun der CFL?
  3. Wéi vill Passagéier sinn 2019 an der zweeter Klass matgefuer a wéi vill an der éischter Klass?
  4. Wann all d’Sëtzplazen an der  éischter Klass ofgeschaaft géife ginn, wéi vill Platze (Sëtz– a Stéiplazen) kéinten da fir d’zweet Klass liberéiert ginn?
  5. Ass et fir de Minister virstellbar, de Prinzip vun der Zwee-Klassen-Trennung ofzeschafen? Falls nee, aus wéi Grond ënnerstëtzt de Minister den Erhalt vun enger éischter Klass?
  6. Wéi vill Recetten huet d’CFL 2019 duerch de Verkaf vun Tickete fir d’éischt Klass generéiert ? Wéi vill maachen dës Recettë par Rapport zu de Käschte vun der CFL aus?