Questions parlementaires
No Beruffsverbuet erëm zreck an de Centre médical
Säit dem 17ten Abrëll däerf de Generalist, géint deen 2022 een zäitweilegt Beruffsverbuet ausgeschwat gi war, erëm schaffen. Seng Praxis ass erëm op wéi d’Tageblatt an engem Artikel vum 19ten Abrëll mellt. Wéi d’Lëtzebuerger Land d’lescht Joer gemellt hat, hat de Medezinner vill Déngschter am Centre médical zu Ettelbréck iwwerholl.
An deem Zesummenhang hu mir der Regierung dës Froe gestallt:
Kann de Generalist och erëm seng Aarbecht an engem Centre médical ophuelen?
Wa jo, wäert dofir gesuergt ginn, dass zäitgläich nach een aner Dokter oder eng aner Doktesch present ass, fir dass d’Patienten net gezwonge sinn sech vum verurteelte Generalist behandelen ze loossen?
Kann d’Ministesch Afloss dorop huelen, wien an engem Centre médical Déngscht huet? Wien ka soss Afloss dorop huelen?
QP Nummer 7903
