Questions parlementaires
Pfandsystem zu Lëtzebuerg
An Däitschland existéiert zënter Joren ee Pfandsystem op Gedrénksfläschen a Béxen. Hei ass et esou, dass all Supermarché, deen iwwer 200m2 Verkafsfläch huet, all Fläschen muss zeréckhuelen, op déi ee Pfand drop ass. Geschäfter ënnert 200m2 musse just déi Saachen zeréckhuelen, déi si am Sortiment hunn. (Quell: https://dpg-pfandsystem.de/index.php/de/faq-ruecknehmer.html) Och zu Lëtzebuerg existéiert op verschiddenen Verpackungen, grad bei Glasfläschen, ee Pfand. Et ass awer esou, dass hei net all Gedrénkshändler oder Supermarché all Artikel zeréckhëlt, mee meeschtens ëmmer just dat, wat si och selwer am Sortiment féieren.
An deem Zesummenhang hu mir der Regierung dës Froe gestallt:
Firwat sinn grouss Gedrénkshändler hei am Land net verflicht, fir all Gedrénksfläschen zeréckzehuelen, esou wéi dat an Däitschland schonns de Fall ass?
Wäert d’Regierung sech un der däitscher Gesetzgebung inspiréieren an de lëtzebuergesche Pfandsystem dementspriechend verbesseren?
QP Nummer 487
