Privat Buedzëmmeren an Alters- a Fleegeheemer

A verschiddenen Alters- a Fleegeheemer ass et nach Usus, dass d’Bewunner sech d’Buedzëmmer an/oder d’Toilette deele mussen. Op servior.lu, zum Beispill, liest e bei den Zëmmerbeschreiwunge Folgendes: “Alle Einzelzimmer sind mit einem Bett und einem Nachttisch ausgestattet und verfügen über eine eigene Toilette und einem Waschbecken. Noch nicht alle Zimmer ein privates Duschzimmer.”

An deem Zesummenhang hu mir der Regierung dës Froe gestallt:

1. Wéi vill vun de Bewunner an de lëtzebuergesche Fleegeheemer hu keng eegen Dusch, déi ausschliisslech fir hire Privatgebrauch reservéiert ass?  A wéi enge Fleegeheemer ass dëst de Fall?

2. Wéi vill vun de Bewunner an de lëtzebuergesche Fleegeheemer hu keng eegen Toilette, déi ausschliisslech fir hire Privatgebrauch reservéiert ass?  A wéi enge Fleegeheemer ass dëst de Fall?

3. Wéi vill vun de Bewunner an de lëtzebuergesche Fleegeheemer hu keen eegent Buedzëmmer mat Toilette, Lavabo an Dusch, dat ausschliisslech fir hire Privatgebrauch reservéiert ass?  A wéi enge Fleegeheemer ass dëst de Fall?

Verlaf an der Chamber

QP Nummer 4733