Questions parlementaires
Kennzeechnung tëschent 3G an Net-Geimpftenen
Op den sozialen Netzwierker zirkuléieren Biller vu Leit, déi viru Kuerzem op eng Feier gaange sinn an do ee spezifescht Entréeesbändchen kruten, fir dierfen eranzegoen. Elo ass et awer esou, dass d’Faarf vum Entréesbändchen kloer z’erkennen ginn huet, wien geimpft, genesen oder getest gouf a wien sur Place ee Schnelltest gemaach huet. Dës Kennzeechnung tëschent de Persounen widdersprécht u sech de Prinzippien vum Dateschutz, well mam Bändchen déi Leit, déi sech nach net impfen gelooss hunn, réckschlësseg kënnen identifizéiert a bloussgestallt ginn.
An deem Zesummenhang hu mir der Regierung dës Froe gestallt:
Huet d’Ministesch Kenntnis dovunner, dass verschidden Organisateure vu Feieren op esou ee System zeréckgräifen, deen tëschent geimpften, genesenen a getesteten Ënnerscheedunge mécht?
Ass dës Praxis zoulässeg a falls net, kéinte betraffe Persounen eng Plaintë géint een Organisateur maachen, deen op esou ee System zeréckgräift?
Wat fir eng weider Sensibiliséierungsmoossname plangt d’Regierung, fir d’Bevëlkerung elo am Summer iwwert een dateschutzspuersamen an diskriminéierungsfräien Ëmgang mat de Covid-Zertifikater opzeklären?
QP Nummer 4674
