Connect with us

Natur, Ëmwelt & Klima

TVA Reduktioun op Photovoltaik

Published

on

Den 22ten Juli huet ee Koalitiounspartner ugekënnegt, dass eng Reduktioun vun der TVA op d’Photovoltaik kënnt. Mengen Informatiounen no ginn et éischt Clienten, déi elo Zweiwel un hirer Commande hunn a léiwer wëlle waarden, bis d’TVA-Reduktioun do ass, fir hir Anlag ze kréien. 

An deem Zesummenhang hu mir der Regierung dës Froe gestallt:

  1. Wéini plangen d’Ministeren d’Propos vun den 3% TVA op Photovoltaik an de Ministerrot ze bréngen?

  2. Wann een Client elo een Devis mat 17% ënnerschreift, an deemno wéi och een deementspriechenden Acompte scho bezuelt huet, kritt en dann déi 3% automatesch esou bal d’Gesetzeslag ugepasst ass?

  3. Wann dës 3% TVA da bis applikabel wieren, kënnen d’Leit, déi 17% TVA bezuelt hunn, réckwierkend vun dësen 3% profitéieren, also d’Geld vum Staat zréck kréien? Wa jo, wéi wäit zréck géing dës réckwierkend goen? Wäert d’Regierung d’Reduktioun vun der TVA op 3% réckwierkend maachen, fir ze verhënneren, dass et zu engem Stau un Demanden an Installatioune vu Photovoltaikanlage kënnt, well d’Leit incentivéiert ginn, fir op ee méi bëllege Präis ze waarden? 

  4. War d’Koalitioun sech bewosst, dass d’Leit duerch d’Ukënnegung vun der TVA-Reduktioun op 3% incentivéiert ginn, mat der Commande vun enger neier Photovoltaikanlag ze waarden?

  5. Ass, zënter der Ukënnegung vun der reduzéierter TVA, d’Zuehl vun de Commanden an Transaktiounen um Marché vun de Photovoltaikanlagen erof gaangen? Wéi huet sech d’Demande an de leschten 2 Wochen entwéckelt?

  6. Sinn d’Ministeren der Meenung, dass doduerch, dass d’Leit elo mat hire Commandë waarden, aktuell ze vill Zäit verluer geet?

Verlaf an der Chamber

QP Nummer 6608

Continue Reading
Click to comment

Leave a Reply

Deine E-Mail-Adresse wird nicht veröffentlicht.