fbpx

Wéi gutt ginn Déierenziichter kontrolléiert?

D’Zuucht vun souwéi den Handel mat Déieren sinn zu Lëtzebuerg gängeg Methoden fir Suen ze verdéngen. Déierenziichter vun hei oder aus dem Ausland bidden op Internetbörsen verschidde Sorten vun Déieren un, vun Hënn, iwwer Kaazen bis Goldfësch. D’Präisser reechen, je no Déier, vun e puer Euro fir e Fësch bis zu e puer dausenden Euro fir een Rassenhond.

Wee mat dëser Handelsaktivitéit Sue verdéngt ginn, misst dat normalerweis och als Kommerz deklaréieren. Um Internet oder a klenge Foren existéieren mëttlerweil awer esou vill vun deenen Déierentauschbörsen, dass een sech d’Fro ka stellen, op all d’Déierenziichter an all Déierenhändler déi néideg Autorisatiounen fir dëse Kommerz besëtzen.

D’Déiereschutzgesetz vun 2018 geseit a sengem Artikel 6 vir, dass fir all Form vun Handel mat Déieren souwéi d’Zuucht vun Hënn a Kaazen eng Autorisatioun vum Minister muss ugefrot ginn:

Art.6 (2) Sans préjudice d’autres autorisations requises, sont soumis à l’autorisation par le ministre : 
 1.  toute activité en vue de commercialiser des animaux, à l’exception des marchés d’animaux et de l’activité agricole ; 
 2. un élevage de chats ;
 3. un élevage de chiens ;
 4. un établissement commercial pour animaux, à l’exception de l’établissement agricole ;
 5. un jardin animalier ou zoologique ;
 6. une pension pour animaux ;
 7. un refuge pour animaux ;
 8. l’emploi d’animaux pour le tournage de films ou à des fins analogues.

Dofir hu mir dem Landwirtschaftsminister folgend Froe gestallt:

  1. Mat Bezuch op den Artikel 6 Paragraf (2) vum Déiereschutzgesetz, wéi eng a wéi vill vu deenen uewe genannten Autorisatiounen huet den Här Landwirtschaftsminister ausgestallt?
  2. Bei wéi villen Déierenziichter goufen 2018 an 2019 Infraktiounen konstatéiert, well se keng gëlleg Autorisatioun nom Artikel 6 (2) haten? Wéi vill Kontrollen goufen insgesamt an der selweschter Period duerchgefouert? 
  3. Ginn verschidden Déierenannoncen an Zeitungen oder am Internet vun der Veterinärsinspektioun iwwerpréift? 
    • Falls jo, wéi vill Déierenhändler goufen 2018 an 2019 kontrolléiert? Wéi vill vun dësen Déierenhändler waren an Infraktioun mam Gesetz?
    • Falls nee, ass de Minister der Meenung, dass all d’Déierenziichter zu Lëtzebuerg hir Aktivitéiten deklaréieren?
  4. Wéi kontrolléiert de Landwirtschaftsminister Déierenhändler, déi aus aneren europäesche Länner op lëtzebuergesche Plattformen hir Déiere verkafen?
  5. Ass den Här Landwirtschaftsminister der Meenung, dass aktuell genuch Kontrollen vum Artikel 6 (2) duerchgefouert ginn?

2
  1. Leif leit vun da Piraten partei
    Wesst dir iwerhaapt wat en richtegen ziichter as!?
    Ech denken net, ech kann aerch awer ganz gaeren mat bei Meng Ziichterinn begleeden, sou dass dir aeren artikel hei mat engem ganz aneren bleck waert gesinn an aerch villeicht selwer a fro stellt

    • Gudde Moien,
      mir sinn eis ganz bewosst wéi eng Déierenziichter mir mat eiser Fro uschwätzen. Mir sinn eis bewosst, dass et därer gudder gëtt. Mir sinn eis awer nach méi bewosst, an dat huet d’Äntwert vum Minister gewisen, dass d’Déierenzuucht (op d’Hausdéiere bezunn) zu groussen Deeler op engem Schwaarzmaart ouni iergendwellech Kontrolle stattfënnt.
      Dëst gesot, kann een d’Praktike vun der Déierenzuucht roueg a Fro stellen, wann se net am legale Kader vum Déiereschutzgesetz applizéiert gëtt.
      Nach ee schéinen Dag.

Post a comment